Latest News

“சசிகலாவின் கால பிடிச்சு பதவியை பெற்றவர் தான் எடப்பாடி…” பிரச்சாரத்தில் கொந்தளித்த ஸ்டாலின்

2024 முதல் நாட்டில் ஒரே நாடு, ஒரே தேர்தல் வரப் போகிறது’ என்று பிரச்சாரத்தில் சொல்கிறார் பழனிசாமி. பாஜகவிற்கு டப்பிங் பேசும் பழனிசாமி யாரை மிரட்டுகிறார்? என்று தமிழக முதல்வரும் திமுக தலைவருமான மு.க.ஸ்டாலின் கோவமாக பேசியுள்ளார்.

திமுக ஆட்சிக் காலத்தில் மதுரை மாநகரத்துக்கு செய்யப்பட்ட சாதனைகளை சொன்ன அவர் “திமுக ஆட்சிக்கு இன்னும் 27 அமாவாசைகள்தான் இருக்கிறது என்று புதிதாக ஜோசியம் சொல்லியிருக்கிறார்கள். அரசியல் அமாவாசைகள் யார் என்று தெரிந்துதான், ‘அமைதிப்படை’யாக வாக்களித்து, அவர்களை இன்றைக்கு புலம்ப விட்டிருக்கிறார்கள் நம் தமிழக மக்கள். அதிமுக அஸ்தமனத்தில் இருக்கிறது.நாடாளுமன்றத் தேர்தலில் ஒரே ஒரு இடத்தில் வெற்றி பெற்ற கட்சி, அதிமுக.

சட்டமன்றத் தேர்தலில் ஆட்சியைப் பறிகொடுத்த கட்சி, ஆட்சிப் பொறுப்பில் இருந்தபோதே, ஊரக உள்ளாட்சித் தேர்தலில் மக்கள் மரண அடி கொடுத்த கட்சிதான் அதிமுக. அடுத்து நடந்த 9 மாவட்ட ஊரக உள்ளாட்சித் தேர்தலில், சுத்தமாகக் காணாமல் போன கட்சியும் அதிமுகதான். இப்போது நகர்ப்புற உள்ளாட்சித் தேர்தலிலும் படுதோல்வியைச் சந்திக்கப்போகின்ற கட்சிதான் அதிமுக. அவர்களுக்கு ஆக்கபூர்வமான அரசியல் தெரியாது. அடிமைத்தனம்தான் தெரியும். அவர்களுக்குத் தெரிந்த அரசியல் எல்லாம் அமாவாசை அரசியல்தான்.

2024 முதல் நாட்டில் ஒரே நாடு, ஒரே தேர்தல் வரப் போகிறது என்று சொல்கிறார் பழனிசாமி. இவருடைய ஞானதிருஷ்டிக்கு மட்டும்தான், இதெல்லாம் தெரியும் போல. கற்பனையில் கோட்டை கட்டிக் பறந்து கொண்டு பாஜகவிற்கு டப்பிங் பேசுகிறார் பழனிசாமி. பழனிசாமி யாரை மிரட்டுகிறார்? மிசாவையே பார்த்தவன் நான் உங்களால் மிரட்ட முடியுமா என்னை? கற்பனையில்கூட அவ்வாறு கனவு காணாதீர்கள் என்றார்.

கூவத்தூரில் தவழ்ந்து போய் ஆட்சியைப் பிடித்தவர் என்று நினைக்கிறீர்களா? சசிகலாவின் காலைப் பிடித்து பதவியைப் பெற்று, சசிகலா காலை வாரி தனது பதவியை நிலைப்படுத்திக் கொண்டு, தனது நாற்காலியை நான்காண்டு காலம் காப்பாற்றுவதற்காக, பாஜகவிற்குப் கூஜா தூக்குவதை வழக்கமாக வைத்திருந்து, டெல்லிக்குக் காவடி எடுத்த சுயநலத்தின் மொத்த உருவம்தான் நீங்கள் என்றும் மிக ஆவசேமாக பேசினார்.

சசிகலாவைப் பார்த்தால் பயம். ஓ.பன்னீர்செல்வத்தைப் பார்த்தால் பயம், டெல்லியைப் பார்த்தால் பயம். கொடநாடு பங்களா என்றால் பயம் இப்படி பயம் பயம் என்று அஞ்சி நடுங்கி வாழும் பழனிசாமிக்கு, மக்களால் தேர்ந்தெடுக்கப்பட்ட என்னைப் பார்த்துப் பேசுவதற்கு என்ன தகுதி இருக்கு? பழனிசாமியின் இதுபோன்ற பொறுப்பற்ற – ஆணவப் பேச்சுக்களுக்கு இந்த நகர்ப்புற உள்ளாட்சித் தேர்தலில் முழுமையான முற்றுப்புள்ளி வைக்கப்படும். அதுதான் இந்த நகர்ப்புற உள்ளாட்சித் தேர்தல்” என்று ஸ்டாலின் மேலும் பேசினார்.

Spread the love

Related Posts

இன்றைய ராசிபலன் – பனமழையில் நனையப்போகும் ராசிக்காரர்கள்

இன்றைய ராசிபலன் – பனமழையில் நனையப்போகும் ராசிக்காரர்கள்

கல்லூரியில் “ராகிங்” செய்யப்பட்டதாக கூறி மொட்டையடித்து சென்ற ஜூனியர் மாணவர்களின் அதிர்ச்சி வீடியோ

உத்தரகாண்ட் மாநிலத்தில் ஒரு கல்லூரியில் ராகிங் செய்யப்பட்டதாக கூறி மொட்டையடித்து சென்ற ஜூனியர் மாணவர்களின் வீடியோ

முதல்முறையாக சென்னையிலிருந்து-புதுச்சேரிக்கு 5 நாள் சுற்றுலா பயணமாக சொகுசு கப்பல் சேவை தொடக்கம் | கட்டணம் எவ்வளவு ?

சென்னையில் இருந்து புதுச்சேரிக்கு சொகுசு கப்பல் திட்டத்தை முதல்வர் நாளை ஜூன் 4 துவக்கி வைக்க

x