“ஓசி ஓசி என கூறி மக்களை ஏளனம் செய்கிறீர்கள்” ? | திமுக அமைச்சர்களை லெப்ட் ரைட் வாங்கிய பாஜக மாநில துணைத்தலைவர் நாராயண் திருப்பதி

திமுக மூத்த அமைச்சர்கள் என்று ஓசி, ஓசி கூறுகிறீர்களே இப்படி கூறி மக்களை எதற்காக ஏளனம் செய்கிறீர்கள் என நாராயணன் திருப்பதி சாடியுள்ளார்

இது தொடர்பாக பேசிய பாஜக மாநிலத் துணைத் தலைவர் நாராயணன் திருப்பதி வெளியிட்டுள்ள தனது பேஸ்புக் பதிவில்

அமைச்சர் துரைமுருகன் அவர்கள் நேற்று ஒரு கூட்டத்தில் பேசும்போது, பெண்களுக்கு ரூபாய் 1000 கொடுப்பதாக சொன்னதை சீக்கிரம் நிறைவேற்றி விடுவோம். ‘சில்லறை மாற்றி கொண்டிருக்கிறோம்’ அம்மாவுக்கும் ஆயிரம், பெண்ணுக்கும் ஆயிரம் என ரூபாய் 2000 கொடுக்கும் ஒரே ஆட்சி இந்த ஆட்சி தான் என்றும், மற்றொரு அமைச்சர் பொன்முடி அவர்கள் “ஓசி, ஓசி பஸ்ஸில் போறீங்க” என பெண்களை கிண்டல் செய்தும் ஏளனமாக பேசியுள்ளார்கள். மேலும், இலவச பேருந்தில் செல்லும் பெண்களை மரியாதைக்குறைவாக நடத்துனர்கள் பேசும் வீடியோ காட்சிகள் வலம் வந்து கொண்டிருக்கின்றன.

பொன்னியின் செல்வன் திரைப்படம் வெளியிட தடை கோர்ட் அதிரடி உத்தரவு

ஏதோ, தி மு கவினர் அரும்பாடுபட்டு வியர்வை சிந்தி உழைத்து மக்களுக்கு பணம் கொடுப்பது போன்று இந்த அரசியல் அனுபவம் வாய்ந்த அமைச்சர்கள் பேசுவது வன்மையாக கண்டிக்கத்தக்கது. உண்மையிலேயே தமிழ் பெண்கள் மீது அக்கறை இருந்தால், அரசே மதுவை விற்கும் அவலத்தை நிறுத்த வேண்டும். தி மு கவின் மகளிரணி செயலாளர் பாராளுமன்ற உறுப்பினர் கனிமொழி அவர்கள் ‘மதுவின் கொடுமையால் தமிழகத்தில் தான் இளம் விதவைகள் அதிகளவில் உள்ளனர்’ என்று கூறியது தி மு கவினரின் செவிகளுக்கு சென்று சேரவில்லையா? தமிழக அரசின் வருவாயில் பெரும் விழுக்காடு மதுவை நம்பியே உள்ளது என்பதை மறுக்க முடியுமா? பெண்களுக்கு 2000 கொடுப்பதாக சொல்லும் தமிழக அரசு, தரமற்ற மதுவின் கொடுமையால் அதே பெண்களின் குடும்பத்தில் தந்தை, கணவர், சகோதரர்கள் உடல் நலம் குன்றி பணியாற்ற முடியாமல், வருவாய் இழந்து, வட்டிக்கு கடன் வாங்கி வறுமை நிலைக்கு சென்று கொண்டிருக்கின்ற சோகத்தை திராவிட முன்னேற்ற கழக அரசு உணர்ந்திருந்தால் மூத்த அமைச்சர்கள் இப்படி பேச துணிய மாட்டார்கள்.

டாஸ்மாக் கடைகளை அதிகரிப்பது, பார்களை அதிகரிப்பது மேலும் பல்வேறு மதுக்கூடங்களுக்கு அனுமதியளிப்பது என்று அந்த தொழிலை மேலும் விரிவுபடுத்த தி மு க அரசு முனைந்து வருவது கண்கூடு. சென்னையில் நடைபெறும் சாலை பணிகள், மழை நீர் வடிகால்வாய் பணிகள் உட்பட அனைத்து பணிகளிலும் வெளி மாநில தொழிலாளர்களே ஈடுபட்டு வருகிறார்கள். தமிழர்கள் படித்து பட்டதாரிகளாகி செல்வந்தர்களாகி விட்டார்கள், அதனால் தான் இந்த பணிகளுக்கு செல்வதில்லை என்ற வாதத்தை ஆளும் கட்சியினர் முன் வைப்பார்களேயானால், செல்வந்தர்களுக்கு ஏன் ரூபாய் 1000 கொடுக்கிறீர்கள்? ஏன் இலவசங்கள், ஏன் கடன் தள்ளுபடிகள்? என்பதே நம் கேள்வியாக இருக்கும். மதுவினால் பெண்கள் படும் துயரத்தை சொல்லி மாளாது என்பது தெரிந்தும், மது விற்பனையை அதிகரிக்க திட்டமிடுவது தமிழர்களுக்கு, தமிழ் பெண்களுக்கு செய்யும் மிக பெரிய துரோகம்.இவை எல்லாவற்றிற்கும் மேல், மூத்த அமைச்சர்கள் ‘ஓசி, ஓசி’ என்றும், ‘சில்லறை மாற்றி கொண்டிருக்கிறோம்’ என்றும் மக்களை ஏளனம் செய்வது மிக பெரிய கொடுமை” என இப்படியாக பேசியுள்ளார்.

Spread the love

Related Posts

புத்தக கண்காட்சியில் பிக்பாக்கெட் அடித்து மாட்டிக்கொண்ட நடிகை

கொல்கத்தாவில் நடைபெற்ற சர்வதேச புத்தகக் கண்காட்சியில் நடிகை ஒருவர் பிக் பாக்கெட் அடித்ததாக குற்றம் சாட்டப்பட்டு

“திருமாவளவன் அவர்களே முதலில் ஒடுக்கப்பட்ட மக்களை கவனியுங்கள், அதன்பிறகு இந்து மதத்தை பற்றி பேசலாம்…” – பிஜேபி நாராயணன் திருப்பதி

இந்திய மக்களின் மத நல்லிணக்கம் கடைபிடிக்கப்படுவது தொடர்பாக திருமாவளவன் உணர வேண்டும் என நாராயணன் திருப்பதி

சிக்கிய உதயநிதிஸ்டாலின் மக்கள் சரமாரியாக கேள்வி

கரூர் மாவட்டம் கிருஷ்ணராயபுரம் பகுதியில் திமுக இளைஞரணி செயலாளர் உதயநிதி உள்ளாட்சி தேர்தல் பிரச்சாரத்தில் ஈடுபட்டார்