STR 51 அப்டேட் கொடுத்த இயக்குனர்.. சூப்பர் ஹீட் அடிக்க காத்திருக்கு தமிழ் சினிமாவில் அதிக எதிர்பார்ப்பை ஏற்படுத்தியுள்ள திட்டங்களில் ஒன்று சிம்பு நடிக்கவிருக்கும் ‘எஸ்டிஆர் 51’ படம். ‘ஓ மை கடவுளே’ மற்றும் ‘டிராகன்’ படங்களை இயக்கிய அஸ்வத் மாரிமுத்து இந்தப் படத்தை இயக்கவுள்ளார். இப்படம் தொடர்பான தகவல்கள் நீண்ட நாட்களாக வெளியாகாமல் இருந்த நிலையில், சமீபத்தில் அவர் ஒரு விருது வழங்கும் நிகழ்ச்சியில் புதிய அப்டேட்டை பகிர்ந்துள்ளார்.
அஸ்வத் மாரிமுத்து கூறியதாவது: “படத்தின் தாமதத்திற்கு காரணம் நான்தான். நாளைக்கே ஷூட்டிங் என்றாலும் சிம்பு சார் ரெடியாக இருக்கிறார். ஆனால் இன்னும் கதையை முழுமையாக எழுதி முடிக்காததால் இப்படம் தள்ளிப்போய்க் கொண்டிருக்கிறது. ‘டிராகன்’ படத்துக்குப் பிறகு சிறிது காலம் குடும்பத்துடன் நேரம் செலவழித்தேன். ரசிகர்கள் எதிர்பார்க்கும் வின்டேஜ் சிம்புவை இந்தப் படத்தில் கண்டிப்பாக காண்பீர்கள்” என்றார்.
மேலும், ‘எஸ்டிஆர் 51’ ஓ மை கடவுளே, டிராகன் ஆகிய படங்களின் பாணியை கலந்த கமர்ஷியல் கதை கொண்டதாக இருக்கும் என்றும், சிம்புவின் மன்மதன், குத்து போன்ற படங்களில் பார்த்த அதே எரிச்சலும் எரிசக்தியுமாக அவர் மீண்டும் வருவார் என்றும் குறிப்பிட்டார். கதாநாயகனின் கேரக்டரில் சிறிதளவு குறைகளும், சற்று எதிர்மறை நிறங்களும் இருக்கும் எனவும் தெரிவித்தார்.
அதோடு, இப்படத்தின் போஸ்டரில் இடம்பெற்ற “God of Love” என்பது டைட்டில் அல்ல, அது ஒரு கேரக்டர் பெயரே. சிம்புவின் கையில் இருக்கும் மோதிரம் கதையின் முக்கிய அங்கமாக அமையும் எனவும் விளக்கமளித்தார். படம் ஃபேன்டஸி கலந்த வணிக ரீதியான படமாக இருக்கும் என்றும், 2026ஆம் ஆண்டில் வெளியாகும் வாய்ப்பு இருப்பதாகவும் தெரிவித்தார். இந்தப் படத்தை ‘டிராகன்’ தயாரித்த ஏஜிஎஸ் நிறுவனம் தயாரிக்கிறது. இதற்கிடையில் சிம்பு வெற்றிமாறன் இயக்கும் புதிய படத்திலும் நடிக்கவுள்ளார். அந்தப்படத்தின் படப்பிடிப்பு விரைவில் துவங்கும் என எதிர்பார்க்கப்படுகிறது.
உங்கள் கருத்தை பதிவு செய்யுங்கள்