லக்கினத்தில் சூரியன் இருந்தால் என்ன பலன்? 1ல் சூரியன் ராஜயோகம் ? ஒருவரின் ஜாதகத்தில் இந்த லக்னம் எனப்படும் முதல் வீட்டில் சூரியன் இருந்தால் ராசி கட்டத்தில் ஒரு நபரின் வாழ்க்கை, அவருடைய லக்கினத்தினை அடிப்படையாக கொண்டு தான் புரிந்துகொள்ளப்படுகிறது. லக்கினத்தில் சூரியன் இருக்கிறாரா என்ற கேள்வி ஒரு சாதாரண விஷயம் போலத் தெரிந்தாலும், அது ஒருவரின் மனநிலை, அடையாளம், ஆரோக்கியம், பெற்றோர் தொடர்பு, மற்றும் சமூகத்தில் அவரைப் பற்றிய பார்வை போன்ற பல்வேறு அம்சங்களைப் பெரிதும் பாதிக்கக்கூடியது. சூரியன் என்பது சுடும் ஒளிக்கதிர் மட்டுமல்ல, அது ஆதிக்கம், கெளரவம், நம்பிக்கை, அரசியல், அதிகாரம், புகழ், மற்றும் தந்தை என்பவற்றின் காரகராகும். அதனால், உங்கள் ஜாதகத்தில் முதல்வீட்டில் அதாவது லக்கினத்தில் சூரியன் இருக்கிறதா அப்போது வாருங்கள் என்ன நன்மை தீமை எப்படி சரிசெய்வது என பார்ப்போம், உங்கள் வாழ்க்கை ஒரு ஒளிமயமான பாதையில் போகும் வாய்ப்பு அதிகம், ஆனால்… அந்த ஒளி கண் கூச வைக்கும் அளவுக்கு சுடுவது போல உணர்வு தோன்றும், ஒருவரின் ஜாதகத்தில் சூரியன் லக்கினத்தில் அமையும்போது, அவரின் சுயதன்மை, வெளிப்படைத்தன்மை, மற்றும் தன்னம்பிக்கை அட்டகாசமாக இருக்கும். இத்தகைய நபர்கள் பொதுவாகவே மற்றவர்களை விட சற்றே உயர்ந்த நிலையை நோக்கிச் செல்வதற்கு இயற்கையிலேயே விருப்பம் கொண்டவர்களாக இருப்பார்கள்.
லக்கினத்தில் சூரியன் இருந்தால் என்ன பலன்? 1ல் சூரியன் ராஜயோகம் ?
அவர்கள் பேசும் விதம், நடக்கும் நடை, நிரம்பிய கம்பீரமான முக அமைப்பு ஆகியவையெல்லாம் ஒருவித ராஜ பாணியில் இருக்கும். இதில் ஐயம் இல்லை இந்த உலகம் அவர்களை எப்படியாவது கவனிக்க தான் செய்யும். அவர்கள் அடைய வேண்டிய இடம் உயர்வுதான் என்பதை சூரிய சக்தி அவர்களுக்குள் சக்தியை எழுப்பும். அவர்கள் புகழ், அரசியல், ஊடகம், அரசு வேலை, உத்தியோக நிலை, கல்வி நிர்வாகம் போன்ற துறைகளில் உயர்வைப் பெற அதிக வாய்ப்பு உள்ளவர்கள்.
ஆனால் இதற்கொரு மறுபக்கம் உண்டு. அந்த உன்னதமான சூரிய சக்தி, அவர்கள் சுயத்தையும் தீக்கதிர் போலவே எரிக்கக்கூடிய ஒன்று. அகங்காரம், தனிமை, தந்தையுடன் சண்டை வாக்குவாதம், பொதுமக்களிடையே முற்றுகை, மற்றும் உடல்நலக் கோளாறுகள் (தலைவலி, கண் பிரச்சனை, உயர் இரத்த அழுத்தம்) போன்றவைகள் ஏற்படலாம். அதிக சூரிய சக்தி, தன்னை தவிர வேறு யாரையும் மதிக்காமல் போவதற்கான மனப்போக்கையும் வளர்க்கும். சூரியன் ஒரு தீவிரமான தெய்வீக சக்தி, அதை கவனமாக பயன்படுத்தினால் ராஜயோகம், இல்லையெனில் அனர்த்தம். அதை சமநிலைப்படுத்த, பரிகாரங்கள் முக்கியமானவை. உண்மையான பரிகாரம் என்றால், தந்தையை மதிக்கவும், அவரிடம் நன்றியுணர்வுடன் இருப்பதுதான். உடனடியாக செய்யக்கூடியவை, ஞாயிற்றுக்கிழமையன்று காலையில் சூரிய நமஸ்காரம் செய்ய வேண்டும்; “ஓம் சூர்யாய நமஹ” என்ற மந்திரத்தை 9 முறை ஜெபிக்கலாம்; சிவ வழிபாடும் மிகுந்த பலன் தரும்.
அதோடு, சிவப்பு நிற உடைகள், சிவப்பு பழங்கள் போன்றவற்றை ஞாயிற்றுக்கிழமையன்று தேவைக்கு ஏற்ப தானமாக வழங்கலாம். சூரிய சக்திக்கு ஓர் அமைதி கொடுக்க வேண்டும் என்றால், வாக்கிலும், நடையிலும் ஒரு மென்மை இருக்க வேண்டும். சூரியனுக்கு வணக்கம் செலுத்துகிறவருக்கு, உலகமே வணங்கும் என்பது பல சாஸ்திரங்களின் கூற்று. முடிவில், சூரியன் லக்கினத்தில் இருப்பது என்பது ஒரு நரசிம்ம வடிவம். அது உங்களை பாதுகாக்கவும், உங்களைத் தாக்கவும் செய்யும். அதனால், அதனை உணர்ந்துகொண்டு நடத்திக்கொண்டால், அந்த ஒளி உங்களை அறிவு, புகழ், செல்வாக்கு ஆகியவற்றின் உச்சத்திற்கு அழைத்துச் செல்லும். இல்லையெனில், அந்த சுடும் ஒளி, உங்களையே நிழலாக்கிவிடும்.
1. மேஷ லக்கினத்தில் சூரியன்
சூரியன் 5ஆம் வீட்டின் அதிபதி ஆகி, லக்னத்தில் இருப்பதால் உளப்பலம், கல்வி திறமை, அதிகாரப்பூர்வ மரியாதை அதிகரிக்கும். சுயநம்பிக்கை அதிகம். சில நேரங்களில் ஆவேசம், சீக்கிரம் கோபம்.
2. ரிஷப லக்கினத்தில் சூரியன்
சூரியன் 4ஆம் வீட்டின் அதிபதி. லக்னத்தில் இருந்தால் வீட்டுச் சுகம், சொத்து, வாகன வசதி தரும். ஆனால் உடல் சூடு, சிறு வாதம், உளஅழுத்தம் அதிகரிக்கலாம்.
3. மிதுன லக்கினத்தில் சூரியன்
சூரியன் 3ஆம் வீட்டின் அதிபதி. லக்னத்தில் இருப்பதால் தைரியம், சகோதர ஆதரவு, பேச்சுத்திறன் வளரும். ஆனால் சீக்கிரம் சோர்வடைவது, தலைசுற்றல் ஏற்படும் வாய்ப்பு.
4. கடக லக்கினத்தில் சூரியன்
சூரியன் 2ஆம் வீட்டின் அதிபதி. லக்னத்தில் இருப்பதால் நிதி வளம், குடும்ப ஆதரவு, சொற்பொழிவு திறன் தரும். ஆனால் தன்னம்பிக்கை மிகுதி சிலருக்கு எதிரிகளை உருவாக்கலாம்.
5. சிம்ம லக்கினத்தில் சூரியன்
சூரியன் சொந்த வீட்டில் (லக்னத்தில்) இருப்பதால் மிகச் சிறந்த பலன். ஆரோக்கியம், ஆட்சி, மரியாதை, புகழ், தலைமைத்துவ குணம். ஆனால் மிகுந்த அகங்காரம், தன்மேல் மட்டுமே நம்பிக்கை வைக்கும் போக்கு.
6. கன்னி லக்கினத்தில் சூரியன்
சூரியன் 12ஆம் வீட்டின் அதிபதி. லக்னத்தில் இருந்தால் செலவு அதிகம், வெளிநாட்டு பயண வாய்ப்பு, ஆன்மீக சிந்தனை. ஆனால் ஆரோக்கிய கவனம் அவசியம்.
7. துலாம் லக்கினத்தில் சூரியன்
சூரியன் 11ஆம் வீட்டின் அதிபதி. லக்னத்தில் இருப்பதால் லாபம், நண்பர் ஆதரவு, சமூக மரியாதை அதிகம். ஆனால் உறவுகளில் ஆணவம் சில சமயம் சிக்கல் தரலாம்.
8. விருச்சிக லக்கினத்தில் சூரியன்
சூரியன் 10ஆம் வீட்டின் அதிபதி. லக்னத்தில் இருந்தால் உயர்ந்த பதவி, தொழிலில் வெற்றி, ஆட்சி தொடர்பான வாய்ப்பு. ஆனால் ஆரோக்கியத்தில் கவனம் தேவை.
9. தனுசு லக்கினத்தில் சூரியன்
சூரியன் 9ஆம் வீட்டின் அதிபதி. லக்னத்தில் இருப்பதால் புண்ணியம், நல்ல அதிர்ஷ்டம், உயர்கல்வி, வெளிநாட்டு வாய்ப்பு. ஆனால் திடீர் கோபம், சண்டை தவிர்க்க வேண்டும்.
10. மகர லக்கினத்தில் சூரியன்
சூரியன் 8ஆம் வீட்டின் அதிபதி. லக்னத்தில் இருந்தால் ஆரோக்கிய பிரச்சினை, ரகசிய எதிரிகள், ஆன்மீக ஆர்வம். கஷ்டத்தை கடந்து முன்னேறுவார்.
11. கும்ப லக்கினத்தில் சூரியன்
சூரியன் 7ஆம் வீட்டின் அதிபதி. லக்னத்தில் இருந்தால் துணைவன்/துணைவியால் லாபம், சமூக உறவுகள் விரிவு. ஆனால் தம்பதியிடையே ஆணவம் ஏற்பட வாய்ப்பு.
12. மீன லக்கினத்தில் சூரியன்
சூரியன் 6ஆம் வீட்டின் அதிபதி. லக்னத்தில் இருந்தால் எதிரிகளை வெல்வார், போட்டியில் வெற்றி, தைரியம் அதிகம். ஆனால் உடல்நிலை, இரத்த அழுத்தத்தில் கவனம் அவசியம்.
உங்கள் கருத்தை பதிவு செய்யுங்கள்