தமிழகத்தில் MBBS இடங்கள் அதிகரிப்பு ஆய்வில் – சேர்க்கை தாமதம் தமிழ்நாட்டில் பல தனியார் (Self-financing) மருத்துவக் கல்லூரிகள் இரண்டாம் கட்ட MBBS கவுன்சலிங்கில் 50 முதல் 150 இடங்கள் வரை கூடும் என எதிர்பார்க்கப்படுகிறது. கூடுதலாக, நான்கு ‘Deemed Universities’ தலா 100 இடங்கள் சேர்க்க திட்டமிட்டுள்ளதால், மாநிலத்தில் மொத்தம் சுமார் 1,750 புதிய மருத்துவ பட்டப்படிப்பு இடங்கள் அதிகரிக்க வாய்ப்பு உள்ளது. மாணவர்கள், பெற்றோருக்கு இது உற்சாகத்தை அளித்தாலும், கல்வியாளர்கள் அதிருப்தியடைகின்றனர். காரணம், இவ்வாண்டுக்கான சேர்க்கை செயல்முறை தற்காலிகமாக நிறுத்தப்பட்டுள்ளது.
நாட்டில் மருத்துவக் கல்வியை ஒழுங்குபடுத்தும் உச்ச அமைப்பான தேசிய மருத்துவக் குழு (NMC), கல்லூரிகளின் விண்ணப்பங்களை பரிசீலித்து வருகிறது. அதனால், மருத்துவக் கவுன்சலிங் கமிட்டி (MCC) சேர்க்கைகளை நிறுத்துமாறு அறிவுறுத்தியுள்ளது. ஆகஸ்ட் 23 அன்று MCC வெளியிட்ட அறிவிப்பில்,
“2025-ம் ஆண்டுக்கான MBBS இடங்கள் அதிகரிக்கும் பணிகள் நடைபெற்று வருகின்றன. புதிய இடங்களை Round-2 கவுன்சலிங்கில் சேர்க்க வேண்டியதால், இரண்டாம் கட்ட கவுன்சலிங் ஆகஸ்ட் 29, 2025-ல் தற்காலிகமாகத் தொடங்கப்படும். மாற்றியமைக்கப்பட்ட அட்டவணை விரைவில் வெளியிடப்படும்” என கூறப்பட்டது. ஆனால் அதன் பின் மேலும் எந்த அப்டேட்டும் வெளியாகவில்லை.
மாநிலத் தேர்வுக் குழுவினரின் தகவலின்படி:
- மாநில அட்டவணை எப்போதும் மத்தியக் குழுவின் அட்டவணைக்கு பிறகு மட்டுமே வெளியிடப்படும்.
- மத்தியக் குழு அரசு கல்லூரிகளின் 15% இடங்களையும், மத்திய நிறுவனங்கள், ‘Deemed Universities’ அனைத்தையும் ஒதுக்குகிறது.
தமிழகத்தில் MBBS இடங்கள் அதிகரிப்பு ஆய்வில் – சேர்க்கை தாமதம்
மத்தியக் குழு மாநிலத்திடம், புதிய மாணவர்களின் கல்லூரி துவக்க தேதி (செப்டம்பர் 05) மாற்றப்படும் எனத் தெரிவித்துள்ளது. புதிய தேதி செப்டம்பர் 20-க்கு பின் இருக்கும் எனவும், நான்கு கட்ட கவுன்சலிங் முடிக்க குறைந்தபட்சம் இன்னும் ஒரு மாதம் பிடிக்கும் எனவும் அதிகாரிகள் கூறுகின்றனர்.
விஜய் விரட்டுவோம் திருமா சொன்ன பதில்
ஒரு அரசு மருத்துவக் கல்லூரி மூத்த பேராசிரியர் கூறியதாவது“சேர்க்கைகள் தாமதமாகும் போது, பாடங்கள் விரைவில் முடிக்கப்பட வேண்டியிருக்கும். விடுமுறைகள், படிப்பு விடுப்புகள் குறைக்கப்படுவதால் மாணவர்கள் அதிக அழுத்தம் சந்திக்கிறார்கள். மருத்துவப் பாடத்திட்டமே சிரமமானது. இறுதி ஆண்டு தேர்வு தேதிகள் மாற்ற முடியாததால், தாமதம் ஏற்படும்போது PG சேர்க்கைக்கும் பாதிப்பு உண்டு” என்றார்.
உங்கள் கருத்தை பதிவு செய்யுங்கள்